Fillimi i sezonit të Real Madridit nuk ka qenë aspak i mirë.
Problemet në mbrojtje kanë qënë të shumta për skuadrën e Carlo Ancelotti që i duhet të bëj pa lojtarë kyç në prapavijë.
David Alaba ende në fazë rikuperimi dhe dëmtimi i Dani Carvajal kanë bërë që italiani të eksperimentojë në këtë fazë të lojës.
Antonio Rudiger dhe Eder Militao janë qendërmbrojtësit e vetëm në dispozicion, teksa Tchouameni shpesh ka qënë titullarë në atë rol.
Castello Lukeba i Leipzig dhe i riu i Ajax, Jorrel Hato janë në listën e ngushtë, por një lojtar që nuk po merret parasysh është Sergio Ramos.
Ramos është i lirë që kur u largua nga Sevilla në korrik, por, drejtuesit e Real Madrid nuk kanë menduar kurrë ta rikthejnë atë në klub për një periudhë të dytë, pavarësisht formës së tij mbresëlënëse.
Mbetet për t'u parë se kush do të jetë i zgjedhuri i Real Madrid në vitin 2025, por një gjë e sigurt është se nuk do të jetë Ramos.
Lexo gjithashtu
