Rizgjedhja e Joan Laporta-s si president i Barcelonës është dhe konfirmim i trajnerit Hansi Flick si trajner i këtij klubi. Menjëherë pasi fitoi zgjedhjet më 16 mars, Laporta ka vendosur që t’i rinvojë kontratën gjermanit, duke shtyrë këtë bashkëpunim deri në verën e vitit 2028.
Një lajm pozitiv për skuadrën dhe veçanërisht tifozët e klubit, të cilët shohin tek Flick arkitetin e ringritjes së Barcelonës drejt fitimit të trofeve. Vetë trajneri 61-vjeçar ka shprehur “dashurinë” për këtë skuadër, duke thënë se lidhja e tij me katalunasit është kaq e veçantë sa nuk mund të mendojë për asnjë “detyrë” tjetër, pasi të përfundojë ciklin e tij në “Camp Nou”.
“Barcelona do të jetë klubi dhe puna ime e fundit. Nuk mund të mendoj për t’iu bashkuar ndonjë ekipi tjetër, ose gjëra si këto. Pse? Unë jam këtu. Ndihem shumë i lumtur që jam te Barça”, deklaroi shkurtimisht Flick.
Ky është një lajm pozitiv për skuadrën dhe veçanërisht tifozët, të cilët e shohin Flick si arkitektin e ringritjes së Barcelonës. Momentalisht, klubi blaugrana është në pozita të mira në klasifikimin e kampionatit spanjoll me 4 pikë diferencë nga Reali, ndërsa luajnë të mërkurën ndeshjen e kthimit në shtëpi në Champions përballë Newcastle.
View this post on Instagram
Lexo gjithashtu
