Barcelona ndodhet aktualisht në një situatë jo të mirë emocionale, pas ndarjes nga jeta të mjekut Carles Minarro. Lajmi tragjik për katalanasit bëri që të anullohej ndeshja me Osasunën e programuar të luhej të të shtunën.
Në konferencën për shtyp ka folur trajneri Hansi Flick. Timonieri tregoi se si skuadra po e kalon këtë moment të vështirë.
“Është një humbje e madhe, ai ishte një person i madh dhe një doktor i madh. Ai ishte i pabesueshëm për ekipin dhe klubi, ekipi që formoi me Ricard, ai ishte një pjesë e enigmës në suksesin tonë.
Ai do të na mungojë neve, por ndonjëherë kjo është jeta. Ne duam të luajmë për të, në këtë situatë është shumë e rëndësishme të fitojmë për të”, ka theksuar shkurtimisht gjermani.
Gjithashtu Flick ka folur edhe për sfidën me Benfican, ku katalanasit kanë fituar 1-0 në duelin e parë mes tyre. Sipas tij skuadra është gati për të luajtur këtë përballje dhe për të siguruar kalimin në fazën tjetër.
“Mendoj se ekipi po e menaxhon situatën mirë. Ne jemi shumë të fokusuar në ndeshjen e radhës dhe në Lisbonë, ajo ishte vetëm ndeshja e parë”, ka thënë Flick.
Lexo gjithashtu
