Real Madrid arriti një fitore të rëndësishme ndaj Leganes. Madrilenët triumfuan 3-0 dhe Kylian Mbappe shënoi golin e parë për të tijtë.
Francezi ka folur pas kësaj sfide, ndërsa është shprehur shumë i lumtur për fitoren, pasi tashmë Reali ka ngushtuar diferencën me Barcelonën. Ndër të tjera foli edhe për marrëdhënien e tij me Vinicius dhe për valverden. Gjithashtu u shpreh se pas kësaj sfide vëmendja është rikthyer menjëherë e dueli në Champions League kundër Liverpool.
“Fitorja dhe goli? Fitoren, gjithmonë, ne vijmë për të fituar, e dinim rëndësinë e ndeshjes, duhej të fitonim pas barazimit të Barcelonës. E nisëm mirë, me ritëm, e kishim topin, luajtëm mirë, me një apo dy prekje. Ishim në fushën e Leganes dhe shënuam golin e parë. Pastaj ishim mirë, mundëm të shënonim edhe dy gola të tjerë.
Si e keni parë veten? Ishte një lojë e mirë, e nisa mirë, po filloj të futem në ritëm. Kam luajtur në një pozicion ndryshe nga ndeshjet e tjera. Mund të luaj në të gjitha pozicionet, mund të luaj në një tjetër ndeshjen tjetër. jam gati. Kjo është historia e karrierës sime, duke luajtur në të djathtë, në qendër, në të majtë… Dua të luaj mirë dhe të shënoj shumë gola.
Si kanë qenë këto dy javë? Shumë mirë, është shumë mirë për mua, edhe stërvitja me djemtë e Kastijas, nuk i kam njohur dhe kanë shumë cilësi. Jam mirë fizikisht, gati për të ndihmuar ekipin.
Tjetër gol për partneritetin Vini-Mbappe? Unë kam një marrëdhënie shumë të mirë me Vinin, ai është një lojtar i madh, si të gjithë. Më të mirët janë këtu dhe ne jemi gati të fitojmë shumë ndeshje dhe tituj, përcjell PanoramaSport.
Valverde, kapiten dhe supergol… - Një lojtar shumë i rëndësishëm, njerëzit nuk flasin shumë për të, por ai është i rëndësishëm. Ai ka fituar shumë këtu dhe shpresoj të fitojë shumë më tepër. Shpresoj të vazhdojë kështu, ai është një lojtar i madh.
Champions League? Mendjen te Liverpool tani”, ka përfunduar sulmuesi.
Lexo gjithashtu
