Barcelona do të luajë në mbrëmje gjysmëfinalen e kthimit në Kupën e Mbretit ndaj Atletico Madrid. Një duel shumë i luftuar mes 2 gjigandëve spanjollë, me sfidën e parë që ka përfunduar në barazim 4-4.
Në prag të kësaj sfide që do të luhet në “Metropolitano Stadium” në Madrid ka four Hansi Flick. Gjermani është shpehur se kjo ndeshje është një finale para finales, por djemtë e tij e meritojnë të shkojnë më tej, pasi po bëjnë paraqitje fantastike.
Flick ka theksuar se Atletico është një ekip që luan shumë shpejt dhe kanë ritëm, por janë përgatitur mirë që të përballojnë këtë takim, ndërsa nënvizon se ka besim maksimal te futbollistët e tij.
“Kjo është një ndeshje e ndryshme nga të tjerat që kemi luajtur kundër tyre. Do të jetë një mundësi e shkëlqyer për të gjithë. Është si një finale para finales. Dhe unë dua të arrij në finale. Skuadra ime po luan mirë, ne jemi krenarë. Djemtë po punojnë në mënyrë fantastike, ajo që kemi arritur nuk është me fat.
Lojtarët e mi e meritojnë. Dhe unë dua të falënderoj për punën e tyre të rëndësishme dhe t’i përgëzoj për suksesin në Superkupën e Spanjës. Por ne duam më shumë, duam edhe Kupën e Mbretit ndonëse e dimë se nuk do të jetë e lehtë. Ata (Atletico) do të jenë atje deri në minutën e fundit.
Qëndrimi im është i njëjtë, duhet të përpiqesh gjithmonë. Skuadra është përmirësuar dhe unë ua kam thënë këtë gjë lojtarëve. Jam mirënjohës për atë që po bëjnë. Por ky është futbolli. Titujt kanë rëndësi.
Ata luajnë gjithmonë një futboll agresiv dhe me intensitet. Ata kanë stilin e tyre. Ata luajnë me shpejtësi, ritëm… Më pëlqen stili i tyre i lojës”, ka përfunduar timonieri gjerman.
Lexo gjithashtu
