Lamine Yamal, talenti më i vogël në moshë dhe më dinamiku i Barcelonës, ka pasur një “ngërç” në paraqitjet e tij të fundit në fushë. Këto rrethana e kanë bërë atë të vendoset në qendër të diskutimeve dhe polemikave.
Ndërsa akoma më shumë “jehonë” këtyre pikpyetjeve u ka dhënë edhe deklarata e ish-drejtorit të Barcelonës, Toni Freixa. Sipas tij sulmuesi Yamal ka nevojë ende për shumë punë. Madje në një paralelizim që ai bën në lidhje me 18-vjeçarin, tregon se nëse do të ishte djali i tij do i “tërhiqte” veshin që të mos besonte komplimentet që i bëjnë të tjerët.
“Nëse do të ishte djali im do t’i thoja se nuk është aq i mirë sa thonë të gjithë. Duhet të vazhdojë të punojë dhe të mos besojë komplimentet. Duhet të mendojë vetëm për futbollin. Askush nuk është i domosdoshëm. Në klub jemi të gjithë të përkohshëm, ajo që ka rëndësi vërtet është Barcelona”, është shprehur ish-drejtori, Freixa.
Lexo gjithashtu
