Barcelona u mposht mbrëmjen e djeshme nga Monaco me rezultatin turpërues 0-3 në Trofeun Gamper. Një humbje që lë shije të hidhur përpara fansave katalana, por nuk shqetëson shumë trajnerin Hansi Flick.
“Në minutat e para ishim vendosur mirë në fushë. Luajtëm me ritmin e ndeshjeve përgatitore ne SHBA. Më pas lamë lojën dhe humbëm kontrollin. Tentuam të përmirësohemi në fushë, por nuk ia dolëm.
Barcelona është gati për të përballur sezonin e ri. Ne e treguam këtë në SHBA. Përballë kishim një kundërshtar të madh. Mendoj se në ndeshjen e parë të kampionatit ndaj Valencias gjithçka do të jetë ndryshe.
Ndaj Monacos problemi ishte presioni, pasi nuk e bëmë siç duhej. Duhet të punojmë më shumë dhe të stërvitemi mirë. E pamë çfarë ndodh kur nuk e bën presionin ashtu siç duhet. Mendoj se Dani Olmo mund të bëjë diferencën”, deklaroi Flick.
Lexo gjithashtu
