Eder Militao ka kaluar me sukses operacionin dhe ky është një lajm i mirë për brazilianin dhe Real Madrid. Mbrojtësi iu nënshtrua operacionit pasi këputi ligamentin e kryqëzuar të përparmë në gjurin e djathtë.
Kjo është një tjetër ndalesë vetëm pas 15 muajsh pasi braziliani u rikuperua nga dëmtimi i gjurit tjetër. Lajmin e kanë bërë të ditur vetë madrilenët nëpërmjet një deklarate për shtyp, ku thuhet se së shpejti Militao do të nisë edhe fazën e rikuperimit.
Ndërkohë siç dihet mbrojtësi ka mbyllur këtë sezon dhe rikthimi i tij pritet të jetë vetëm në verë. Për t’u rikuperuar plotësisht nga ky dëmtim i duhen nga 7 deri në 9 muaj.
"Lojtari ynë Eder Militao iu nënshtrua një operacioni të suksesshëm sot pas këputjes së ligamentit të kryqëzuar të përparmë në gjurin e tij të djathtë. Operacioni u krye nga Dr. Manuel Leyes, nën mbikëqyrjen e mjekëve të Real Madridit. Militao do të fillojë procesin e rikuperimit të tij në ditëve në vijim”, shkruhet në deklaratën e Real Madrid.
View this post on Instagram
Lexo gjithashtu
