Luka Modric nuk njeh moshë. Mesfushori kroat mbrëmjen e djershme hyri si zëvendësues në sfidën që Reali zhvilloi ndaj Celta Vigos. Takim ky që u fitua nga madrilenët me shifrat 2-1 dhe ku kroati dhënoi asistin për golin e dytë.
Por përveç kësaj, Modric vendos një rekord me “Los Blancos”. Veterani i madrilenëve sfidën ndaj Celta Vigos do ta mbajë mend gjatë, pasi vendosi një rekord absolut. Modric u bë futbollisti më i vjetër në histori të Real Madridit që luan në një ndeshje zyrtare me 39 vite e 40 ditë mbi supe, duke thyer rekordin e mbajtur më parë nga Ferenc Puskas.
Gjithashtu fitorja e mbrëmshme për 39-vjeçarin ishte e 250 në La Liga me fanellën e Realit në 13 vitet e tij si madrilen. Kujtojmë se këtë sezon kroati ka luajtur 13 ndeshje në të gjitha garat ku “Los Blancos” kanë marrë pjesë, ndërsa ka dhënë edhe 3 asiste.
???? @lukamodric10 becomes the oldest player to appear in an official match in the history of Real Madrid!#RealFootball | #HalaMadrid
— Real Madrid C.F. ???????????????? (@realmadriden) October 19, 2024
Lexo gjithashtu
