Egnatia do të luajë mbrëmjen e sotme në transfertë përballë Vikingur Reykjavik ndeshjen e parë të fazës së dytë kualifikuese të Conference League. Sfida që do të zhvillohet në stadiumin “Vikingsvollur”, do të startojë në orën 20:45.
Para kësaj ndeshje ka folur edhe trajneri i islandezëve, Arnar Gunnlaugsson. Ky i fundit thotë se i ka ndjekur ekipet shqiptare gjatë ndeshjeve të fundit në Europë. Trajneri i kampionëve të Islandës shton duke thënë se gjithmonë skuadra më e mirë e fiton titullin, por kanë kaluar disa muaj dhe gjërat kanë ndryshuar, duke iu referuar Egnatias.
“Kjo ndeshje na shkon shumë përshtat. Kam ndjekur ndeshjet e Valurit kundër skuadrës shqiptare të Vllaznisë. Valuri i ka kaluar ndeshjet e tij shumë profesionalisht. Kam ndjekur ndeshjet e Egnatias këto ditët e fundit dhe kjo do të jetë vetëm një sfidë. Do të jetë e rëndësishme të marrim një rezultat të mirë në shtëpi, siç tregoi përvoja nga ndeshja e Shamrokut.
Dua të them se gjithmonë skuadra më e mirë fiton titullin kampion, por sfida jonë me ata vjen disa muaj më vonë dhe njerëzit shkojnë e vijnë. Nuk e di nëse e kanë forcuar veten. Nuk e kam idenë nëse skuadra është më e mirë. Ata luajnë saktësisht të njëjtin sistem si Shamrok dhe ne jemi mësuar pak me të. 5- 6 ndeshjet tona të fundit kanë qenë kundër një mbrojtjeje me pesë lojtarë.
Ndoshta do të jetë e njëjta gjë për pjesën tjetër të verës, sepse skuadrat mendojnë se kanë gjetur disa dobësi në sistemin tonë, gjë që është në rregull. Ashtu si Shamrok, nuk është në ADN-në e tyre të pushojnë, por pastaj ju vini këtu dhe përballeni me një ekip të mirë dhe jeni të detyruar ta bëni. Loja mund të jetë për ne që të jemi gati për të kontrolluar ndeshjen, por në një moment do të duhet të vuajmë pak.
Së pari duhet të fokusohemi te shqiptarët. Nëse kjo na jep një shtysë për të njohur kundërshtarët tanë në raundin tjetër, ndoshta, por ne nuk i lejojmë vetes të mendojmë aq larg. Ndeshjet e fundit kanë qenë zhgënjim për ne. Ne mendojmë shumë për faktet dhe ky është një fakt, thjesht jemi në punë të mirë”, ishin fjalët e trajnerit të Vikingur.
Lexo gjithashtu
