Sulmuesi Daniel Bode realizoi golin e barazimit në sfidën kundër Partizanit të vlefshme për raundin e dytë të Champions League shprehet se kualifikimi do të vendoset në sfidën e radhës. Sulmuesi i Ferencvarosh ka besim se do t'ia dalin në Budapest.
"Nuk kam qenë i surprizuar, pasi nuk isha titullar. Kam pasur probleme së fundmi. Madje, trajneri Doll më ka sqaruar para ndeshjes. Gjithsesi, unë kisha besim se do të shënoja dhe në fund besimi që më dha trajneri u shpërblye me gol".
"Nuk mbaj mend që të kem shënuar më parë një gol të tillë, por rëndësi ka që shënova për të regjistruar barazimin, i cili është shumë i vlefshëm për sfidën e kthimit. Besoj se në Budapest do të jetë një histori tjetër, pasi pritet një tjetër paraqitje nga Ferencvarosh".
