Partizani do të zhvillojë një ndeshje të vështirë në fundjavë, ku për javën e 23 të Kategorisë Superiore do të presë Bylisin. Të besuarit e trajnerit Adolfo Sormani kërkojnë të vijojnë me fitoret, pas triumfit në Laç.
Në lidhje me situatën e të kuqve, ka reaguar edhe legjenda Edmond Dosti. Në një status të tijin, ai kërkon mbështetje për ndeshjet e ardhshme që janë shumë deçizive. Kalendari I ka rezervuar përballje të forta kampionëve në fuqi, teksa pas ballshiotëve do të përballen me Tiranën në derbin e kryeqytetit.
Dosti ka kërkuar nga të gjithë që të mbështesin ekipin, sepse ana mentale dhe psikologjike ka tepër rëndësi në këto momente. “Sot me shume se kur duhet te jemi te gjithe bashke ,ne luajme kunder Bylisit,Tiranes, Teutes,Vllaznis,Skenderbeut dhe Kukesit jane 7 ndeshje deçizive per ecurine tone drejte fitimit te Kampionatit ,dhe besoj fort qe Partizani e ka ekipin dhe pontecialin që mund t’i fitoj te 7 ndeshjet dhe pse do jene ndeshje te veshtira . Nëse jemi të përqendruar dhe të bindur për suksesin, atëherë do t’ia dalim. Unë mendoj se djemtë janë gati për të përballuar 7 ndeshjet e ardhshme dhe besoj shumë te 7 fitore. Ne ( ish pjestar te klubit dhe tifozat ) do te mundohemi t’i transmetojmë skuadrës besim dhe ta rritim nga ana mentale e psikologjike. Ka shumë rëndësi që në fushë të zbresim me bindjen se mund t’i mposhtim kundërshtaret, sepse ne jemi Kampionet ne jemi nje Familie e madhe me emrin Partizani. Suksese dhe me 7 fitore“.