Besëlidhja është fituese e Kupës së Federatës në basketbollin për meshkuj. Lezhjanët kanë triumfuar 100-97 në finalen e luajtur në pallatin e sportit “Dhimitraq Goga” në Durrës.
Djemtë nga Lezha janë treguar më të saktë, teksa kanë mposhtur një nga ekipet më të forta në Superligë. Kësisioj, sezoni i lezhjanëve nis mbarë me një trofe.
Investimet në Lezhë kanë bërë që ekipi i basketbollit të jetë pretendent për tituj, teksa ishte amerikani Bryant Bernard që udhëhoqi ekipin drejt suksesit me 43 pikë personale.
Ndeshja dhuroi plot emocione në fund, duke shkuar edhe në kohën shtesë pas një 3 pikëshi të realizuar nga Kevin Granzan i ekipit të Tiranës në sekondat e fundit.
Në fund ishin lezhjanët ata që triumfuan me tre pikë më shumë, duke bërë të vetin trofeun.
Lexo gjithashtu
