Tirana do të luajë nesër kundër Skënderbeut, në kuadër të javës së 25-të të Superiores. Bardheblutë po zhvillojnë tashmë seancën e fundit stërvitore para sfidës me kampionët e Shqipërisë. Situata në skuadër është e qetë dhe lojtarët janë mjaft optimistë. Kjo duket edhe nga një video e postuar nga David Domgjoni në Instagramin e tij, ku shfaq futbollistin afrikan Romuald që kërcen me këngën e Artiola Toskës, “Goc Tirone jam”.
“Energji pozitive para ndeshjes”, shkruan Domgjoni në diçiturën e videos. Kujtojmë që ndeshja mes Tiranës dhe Skënderbeut është vendosur të luhet në orën 18:00, në stadiumin “Selman Stërmasi”.
Loading ...
