Barcelona po shkëlqen në këtë sezon futbollistik ku synon të fitojë tripletën. Katalanasit do të përballen në datën 5 prill me Real Madrid në “Camp Nou”, sfidë e vlefshme për gjysmëfinalen e Kupës së Mbretit. Skuadra e Xavit nuk do të jetë e plotë pasi mungojnë Pedri, Dembele dhe Christensen, ndërsa në dyshim është Frenkie De Jong.
Megjithatë mediet e huaja bëjnë me dije që holandezi mund të sakrifikohet për këtë takim. Siç shkruan “Sport”, Barcelona mund ta grumbullojë lojtarin për sfidën kundër Real Madrid. Edhe pse në sfidën e parë katalanasit kanë triumfuar 1-0, Barca i druhet madrilenëve dhe kësisoj De Jong shihet si “përforcim” i rëndësishëm për atë takim.
