Pas refuzimit të Brighton për të lëshuar Caicedo, Arsenal i ka hedhur sytë nga rivalët e Chelsea për të rrëmbyer prej tyre “asin” e mesfushës. Bëhet fjalë për Jorginho. Orët e fundit “topçinjtë” kanë kontaktuar drejtuesit e Chelsea për mundësinë e transferimit të italianit në “North London”.
Jorginho ka qenë nën vëmendjen e Artetas që në 2020, përpara se ai të fitonte Champions League me Chelsea dhe Kampionatin Europian me Italinë . 31 vjeçari nuk duket se e ka më të sigurtë vendin e titullarit tek blutë e Londrës pas afrimeve të shumë lojtarëve dhe mbipopullimit të Chelsea në mesfushë.
Transferimi i mundshëm i Enzo Fernandez do t’ia pakësonte edhe më shumë minutat mesfushorit italian. Një transferim tek Arsenal do të ishte i mirëpritur për të duke parë dhe momentin e mirë që po kalon Arsenal në Premier League duke kryesuar kampionatin.
