Shqipëria do të luajë në datën 17 qershor kundër Moldavisë, ndërsa Armando Broja nuk do të mund të jetë sërish në fushë për të ndihmuar kuqezinjtë tanë. Sulmuesi i Chelsea-it pësoi një dëmtim të rëndë në gju që e detyroi t’i nënshtrohej operacionit.
Tashmë ai ka nisur fazën e rehabilitimit dhe është gati për të bërë maksimumin në mënyrë që të rikthehet sa më parë. Madje këtë e ka shkruar vetë Broja përmes një postimi në rrjetet sociale. Shtatlarti i fazës ofensive shfaqet në palestër ku shkruan: “Mezi po pres të rikthehem”.
Kujtojmë që Armando Broja është pjesë e rëndësishme e kombëtares shqiptare. Dëmtimi i rëndë e ka penalizuar për të dhënë kontributin e tij prej disa muajsh në ekipin kuqezi. Pritet me interes të shihet se kur do të jetë në fushë, ndërsa te Chelsea shihet si lojtari që do të mbajë peshën e fazës ofensive.
