Altin Rraklli ka sqaruar përfshirjen e emrit të tij në çështjen e trukimeve, ndërsa në një intervistë për "Top-Channel" është shprehur: "Kam qenë pjesë e futbollit korrekt shqiptar dhe vazhdoj ta bëj një gjë të tillë.
Dikur më ka ndodhur një episod, kur kam qenë në një shoqëri me disa futbollistë dhe me disa miq të mi. Nuk kisha lidhje me atë çfarë ata bisedonin. Isha për qejf. Në një moment m'u desh të bëja rolin e menaxherit dhe përkthyesit. Ndoshta përkthimi që bëra nuk ishte i saktë, por nuk isha i përfshirë fare në ato çka thuheshin.
Me ndërgjegje të pastër, unë i siguroj të gjithë shqiptarët se nuk jam marrë dhe nuk do të merrem kurrë me trukime. Ndonjëherë qëllon me njerëz të gabuar dhe kjo më ka ndodhur edhe mua", u shpreh Altin Rraklli për "Top-Channel".
Lexo gjithashtu
