Robert Lewandowski është një nga lojtarët më të mirë në botë. Sulmuesi polak i Bayernit të Mynihut vazhdon të marrë përdore ekipin e tij drejt sukseseve të mëdha. Përveç se një futbollist i mirë, Lewa është edhe një familjar i mirë. Bashkëshortja e tij, Anna Lewandowska ka dhënë një intervistë për mediet gjermane, ku ka folur jo vetëm për fushën e lojës, por edhe atë çka ndodh jashtë.
''Ka shumë gjëra të vogla që kemi filluar t'i ndryshojmë 12 vjet më parë. Për shembull, cilësia e gjumit: një shtrat i mirë, pa dritë blu dhe duke ngrënë ushqimin e duhur para gjumit. Dieta në përgjithësi: Ne shmangim laktozën, miellin e grurit, sheqer të bardhë, dhe ushqime të skuqura. Ne së pari hamë ëmbëlsirë ose karbohidrate dhe pastaj proteina, ndonjëherë hamë më shumë perime të papërpunuara, ndonjëherë vetëm një sasi të vogël të mishit. Për të ditur se çfarë Roberti ka nevojë për momentin, ne kontrollojmë rregullisht gjakun e tij. Gjithashtu, e rëndësishme për të ngrënë ngadalë. Nuk është e lehtë për të dy ne.
Ai kurrë nuk është 100% i kënaqur me veten - edhe nëse ka shënuar dy gola. Pastaj ai thotë se mund të kishte shënuar një ose dy më shumë. Ai ka një pamje shumë të qartë të vetvetes dhe ambicia e tij është e madhe'' - Tha Anna Lewandowska.
Lexo gjithashtu
