Kampionati në Maqedoninë e Veriut pritet të rinisi mes datave 14-21 qershor sipas vendimit të federatës vendase. Lojtarët kanë kryer të gjithë testet para se të zbresin në fushë, ndërsa ditën e sotme janë konfirmuar 6 lojtarë që kanë rezultuar pozitivë më Covid-19, duke vënë kështu në dyshim rifillimin e sezonit.
Dy lojtarë i përkasin Shkëndijës së Tetovës që drejtohet nga Ernest Gjoka, ndërsa katër të tjerë te Renova, skuadra tjetër shqiptare. Në faqen zyrtare Shkëndija ka bërë një komunikatë zyrtare ku thekson që lojtarët do të qendrojnë në izolim, ndërsa do të bëjnë sërish testin për të parë nëse janë të prekur nga virusi apo jo.
Postimi i Shkëndijës së Tetovës:
