UEFA ka nisur procedurën disiplinore për skuadrën e Rennes. Skuadra franceze luajti në mesjavë ndaj Krasdondar dhe sfida u mbyll në barazim 1-1. Në këtë takim ishin të pranishëm rreth 5 mijë tifozë që ndoqën ndeshjen nga stadiumi duke harruar për një momentë edhe pandeminë e Covid-19.
Rennes kaloi e para në avantazh dhe tifozët shpërthyen në festë me njëri-tjetrin duke harruar rregullat e pandemisë që duhet të respektonin në stadium. Lidhur me këto festime duke thyer rregulloren, UEFA ka nisur një procedurë disiplinore ndaj Rennes, ndërsa vendimi final do të dalë më 10 nëntor.