Dejan Kulusevksi ka tërhequr vëmendjen e Interit. Edhe pse merkato e dimrit do edhe disa javë të çelet, zikaltërit po mendojnë të përforcojnë skuadrën me elementë të prespektivës. Futbollisti suedez po çmend Seria A teksa ka arritur të marrë minuta me Parmën duke shënuar edhe 2 gola.
Ai është nën pronësi të Atalantës, mirëpo këmbëngulja e Contes për ta pasur në skuadër ka bërë që palët të hyjnë në negociata me gjithë këmbënguljen e Parmës për ta mbajtur të huazuar deri në qershor.
19-vjeçari vlerësohet rreth 30 milionë euro dhe nëse te Interi e duan, duhet të derdhin në arkat e klubit të Atalantës këtë shumë. Marrëdhëniet e shkëlqyera të kompanisë “Suning” dhe drejtuesve të Parmës, kanë zbutur këta të fundit që të japin “OK”-në për transferimin e suedezit që në merkaton e janarit.
