Inter do të arkëtojë 18 milionë euro në merkaton e janarit. Klubi zikaltër do të përfitojë një shifër të tillë nga shitja e Joao Marios te Lokomotiva e Moskës. Lojtari po luan i huazuar në Rusi dhe ka arritur të bindë trajnerin Youri Semin me paraqitjet në fushë. Portugezi është shpallur futbollisti i muajit të kaluar dhe kësisoj kuotat e tij kanë njohur progres.
Sipas “Football Italia”, drejtuesit e klubit rus kanë ndezur “dritën jeshile” dhe në muajin janar kanë vendosur të paguajnë për kartonin e 26-vjeçarit. Klubi zikaltër pritet të hyjë fuqishëm në merkato dhe 18 milionë euro më shumë, janë një bonus për Antonio Conten që ka kërkuar afrime të bujshme.
Loading ...
