Pas Armando
Sadikut dhe Ergys Kaçes, një tjetër futbollist i kombëtares shqiptare gjen
akordin me skuadrën e tij të re.
Egli Kaja do të jetë një futbollist i Northampton Town, duke nisur që nga dita
e sotme. 22 vjeçari ishte një lojtar i lirë që prej largimit nga AFC Wimbledon,
me të cilët bëri 22 paraqitje dhe tashmë do të ketë mundësi për të treguar
vlerat e tij në Ligën e katërt angleze.
“Ne e ndiejmë se ai mund të shtojë opsionet sulmuese që kemi në skuadër dhe jemi të kënaqur që e kemi në ekip,” u shpreh shefi i klubit, Keith Curle.
Kaja nuk është një emër i panjohur për tifozët shqiptarë. Gjatë periudhës kur kombëtaren e drejtonte Christain Panucci, 22 vjeçari u grumbullua për ndeshjen miqësore me Jordaninë dhe atë zyrtare ndaj Izraelit, por nuk arriti të debutojë me fanellën kuqezi.
Sezonin e shkuar, Kaja e mbylli në Skoci me skuadrën e Livingston, ku luajti për 6 ndeshje pa arritur të gjej rrugën e rrjetës.
Loading ...
