Besir Demiri është pjesë e Shkupit në Maqedoninë e Veriut. 27 vjeçari është bashkuar me ekipin shqiptar, që sezonin e shkuar u shpallën kampionë dhe vijojnë të jenë në turin e tretë të Conference League.
Dje Dinamo njoftoi se pas negociatave me Shkupin, u gjet marrëveshja që mbrojtësi i majtë dhe mesfushori të kalonte në vendlindje.
Tanimë Demiri është një forcë më shumë për Shkupin, që kërkon të jetë sërish në krye të kampionatit në vendin fqinj. Veç Dinamos, në Shqipëri Demiri luajti edhe për Kukësin.
