Sot, Franz Pjetri ka firmosur kontratën me ekipin e Serisë A, Udinezen. Ai është vetëm 17 vjeç dhe është pjesë e 17 vjeçarëve të Kombëtares Shqiptare. Bisedimet për nënshkrimin e kontratës me klubin e Serisë A kanë nisur që në muajin shtator, por vetëm sot është firmosur zyrtarisht kontrata e re.
Talenti shqiptar ka lindur në Itali në Parma. Deri verën e vitit të kaluar ai ka qenë pjesë e kampionatit australian, ku luante me skuadrën e Eastern United. Së fundmi ai mori një ofertë dhe nga trajneri i Romës, por nuk u arrit marrëveshja dhe sot, ai ka firmosur me Udinezen.
Pjetri luan si mbrojtës dhe është pjesë e skuadrës së 17-vjecarëve të Shqipërisë, me të cilën ka luajtur 3 ndeshje, ndërsa cilësohet si një lojtar me shumë cilësi.
