Milan ka njoftuar zyrtarisht në “website” e tij se ka huazuar mesfushorin Daniel Maldini te Spezia për sezonin 2022/23. I riu është produkt i moshave kuqezi, teksa tashmë pret të hedhë hapa të mëdha në karrierë për të vazhduar nën gjurmët e të atit.
Daniel ka avantazhin se është djali i legjendës së Milanit Paolo Maldini, që është dhe drejtori teknik i klubit. Vetëm 20-vjeç ai ka bërë 24 paraqitje me skuadrën e parë, duke startuar 5 herë nga minuta e parë. Me huazim pritet të marrë më shumë minuta, për të treguar potencialin e tij.
