Giuseppe Pezzella është lojtari më i ri i Atalantës. Mbrojtësi italian që luan në të dy krahët e mbrojtjes është prezantuar sot nga skuadra e Serie A.
23-vjeçari sezonin e kaluar ishte pjesë e Parmës në Serie A, ndërsa me rënien e ekipit në Serie B është larguar duke qendruar sërish në elitën e futbollit italian.
Pezzella shihet si një nga lojtarët me të ardhme dhe Gasperini e kishte kërkuar me ngulm në ekip për të zëvendësuar Gosens që me shumë mundësi mund të largohet gjatë kësaj merkato. Atalanta e ka marrë lojtarin nga Parma në formë huazimi me të drejtë blerje në fund të sezonit.
Loading ...
