Prishtina ka zyrtarizuar firmën me Besir Ramadanin. Qendërmbrojtësi nga Shkupi është afrimi i radhës për klubin e Superligës së Kosovës, që ka parë 13 largime së fundmi.
Në krizë financiare dhe borxhe, të shumta kanë qenë largimet. Tanimë klubi ka nisur të bëjë afrime, duke marrë Ramadanin nga Struga, 22 vjeçari shihet si i duhuri për prapavijën.
“Qendërmbrojtësi Besir Ramadani është lojtari i radhës që ka nënshkruar kontratë me klubin më të madh në Kosovë, FC Prishtina. 22-vjeçari nga Shkupi ka firmosur për dy vite me ekipin “bardhekaltër”.Ramadani në edicionin e fundit ishte pjesë e ekipit shqiptar nga Maqedonia e Veriut, Struga, e cila garon në elitën e futbollit të shtetit fqinj.
Shkupjani ka regjistruar gjithsej 33 paraqitje sa është aktivizuar te Struga. Ai karrierë ka bërë edhe te FC Shkupi dhe KF Gostivari derisa më parë i ka mbrojtur edhe ngjyrat e grupmoshave të Maqedonisë së Veriut (deri te U-18), kurse nga më pas është bërë pjesë edhe e Kombëtares së Shqipërisë U-21. Ramadani për faqen zyrtare të klubit tonë është shprehur i lumtur që është bërë pjesë e FC Prishtinës”, njofton Prishtina.
Loading ...
