Presidenti i klubit turk Ankaragucu, Faruk Koca ka dhënë dorëheqjen pasi goditi me grusht arbitrin Halil Umut Meler në ndeshjen me Rizespor. Aktet e dhunës janë të patolerueshme në futboll, porn ë këtë rast situata ka shkuar përtej futbollit.
Ministri i Brendshëm i Turqisë zbuloi ditën e djeshme se është lëshuar një urdhër arresti për Faruk Koca i cili u arrestua pak orë pas ngjarjes. Presidenti goditi me grusht arbitri, i cili më pas u godit disa herë në kokë edhe kur ra në tokë.
Faruk Koca ka dalë me një deklaratë ku shprehet fajtor për situatën dhe thotë se ndihet i penduar për ngjarjen që shkaktoi.
“Asgjë nuk mund të legjitimojë apo shpjegojë dhunën që kam kryer. Fushat sportive duhet të jenë vendi i konkurrencës xhentëlmenësh. Çdo qëndrim që hedh hije mbi lojën e ndershme, duke përfshirë edhe timin, nuk duhet të jetë i pranishëm në stadiume”, tha Koca.
Lexo gjithashtu
