Lajm i keq për Franck Ribery dhe Fiorentinën, tashmë viti 2019 për të konsiderohet i mbyllur, teksa është në dyshim dhe për fillimin e 2020. Ish sulmuesi i Bayern Munich pësoi një dëmtim javën e kaluar në kavilje. Klubi viol ka komunikuar për mediat dhe tifozët se tashmë Ribery do t’i nënshtrohet operacionit dhe më pas do të komunikohet edhe koha e rikuperimit.
“Futbllisti Franck Ribery iu nënshtrua një kontrolli të specializuar sot duke patur parasysh simptomat e vazhdueshme dhe dhimbjes në disa zona të këmbës. Me qëllim zgjidhjen e problemit është propozuar një trajtim kirurgjik për stabilizimin e kaviljes. Në përfundim të procedurës do të njoftohet dhe koha e rikuperimit”, njofton klubi i Fiorentinës.