Bekim Balaj është lojtar i lirë. Pas ndeshjes së fundjavës ku humbi 11 metërsh me Sturm Graz, shkodrani ka konfirmuar largimin nga klubi austriak pas dy sezonesh. 30 vjeçari i Kombëtares nuk ka lënë gjurmë në Austri, me drejtorin e Sturm Graz që pak ditë më parë njoftoi se Balaj nuk do rinovonte.
Balaj këtë sezon luajti 29 ndeshje me ish-klubin, duke shënuar 3 gola në kampionat dhe 4 në Kupë. Mbetet të shihet skuadra e re e shkodranit, ndërsa sulmuesi është lojtar i lirë prej ditës së djeshme dhe mund të firmosë në çdo skuadër. Më herët Balaj ka luajtur në Çeki, Poloni, Kroaci dhe Rusi, ndërsa ka qenë pjesë e Vllaznisë dhe Tiranës në Superligë.
Postimi i Balaj duke falenderuar Sturm Graz:
Loading ...
