Filipe Gomes Ribeiro zyrtarisht nuk do të jetë më pjesë e Partizanit. Braziliani, që pjesën e dytë të sezonit 2015-2016, luajti për skuadrën e kuqe, ka firmosur për ekipin e Padovës në Itali. Në garë për të patur Filipe Gomes Ribeiro në skuadër ka qenë edhe Perugia, por në limitet e fundit Gomes ka arritur të firmosë me Padovën. Brenda disa ditësh do të bëhet edhe zyrtarizimi i tij. Gomez erdhi te Partizani në gjysmën e dytë të sezonit duke qenë menjëherë në formacionin titullar.
Megjithëse nuk arriti të shënojë për skuadrën kryeqytetase, braziliani fitoi shumë shpejt simpatinë e zjarrtë të tifozërisë së kuqe. Ai luajti në qendrën e mesfushës duke bërë rolin e organizatorit. Drejtuesit e kuq shpresonin që braziliani do të ishte përsëri i gatshëm për skuadrën e Partizanit, por kjo gjë nuk ka ndodhur pasi ai ka firmosur me ekipin e Padovës në Itali.
