Armend Murrja nuk do jetë pjesë e Korabit sezonin e ardhshëm. Sulmuesi dibran ka njoftuar nëpërmjet rrjeteve sociale se pas 10 vitesh në familjen e Korabit, aventura e tij është mbyllur. 23- vjeçari është produkt i dibranëve, me të cilët veshi dhe fanellën e ekipit të parë.
Murrja falenderon fillimisht tifozët, për të vazhduar më pas me presidentin e klubit, trajnerët, stafin dhe lojtarët me të cilët ka punuar. Në fund sulmuesi e mbyll duke i uruar suksese Korabit në sezonin e ardhshëm.
“Aventura ime me Kf Korabin mbyllet sot. Pas 10 vitesh nuk do të jem më pjesë e këtij ekipi. Dua të falenderoj tifozët e mrekullueshëm të Korabit që kanë qenë fantastik në çdo moment. Falenderoj presidentin, të gjithë trajnerët dhe stafin që kam punuar nga dita e parë deri më sot. Falenderoj të gjithë shokët e ekipit që gjatë këtyre viteve kam kaluar momente fantastike që do ngelen gjithmonë në memorien time. Kf Korabit i uroj suksese në sezonin e ri.
Lexo gjithashtu
