Arbnor Fejzullahu ishte “çështja” e kësaj vere te Partizani.
Mbrojtësi i djathtë pretendonte se i kishte përfunduar kontrata dhe kërkoi largimin, por nga klubi i kuq u faktua e kundërta.
Partizani fitoi gjyqin në FSHF, ndërsa Fejzullahu u detyruar të kthehej në ekip edhe pse kundër dëshirës së tij.
Së fundmi zbulohet edhe mënyra se si drejtuesit e klubit të kuq bindën mbrojtësin që të qëndrojë dhe dy sezone të tjera.
Duke qenë në të drejtën e vet, Partizani i dha ultimatum Fejzullahut se nëse nuk do t’i bashkohej ekipit, atëherë ndaj tij do të merrej masë disiplinore duke e dërguar të luante me Partizanin B në Kategorinë e Dytë.
Një gjë e tillë ka vendosur në presion lojtarin, i cili i gjendur nën kontratë me Partizanin ka pranuar të bëjë sipas rregullave të klubit.