Gjykimi pas çdo jave në Superiore po shoqërohet me debate. Polemika të shumta prodhoi ai gol i anuluar i Vllazninë në sfidën me Teutën.
Në Shkodër më së shumti e kanë me mënyrën si vepruan arbitrat, e cila sipas tyre është ndikuar nga presioni i kundërshtarit.
Kapiteni i Vllaznisë, Ndriçim Shtubina, është shprehur se kryesori Sokoli u ka kërkuar të mos protestojnë, pasi e kishte dhënë gol, por pak sekonda më pas vendimi ndryshoi.
“Vetë gjyqtari na tha të largoheshim, sepse ishte gol dhe nuk duhet të protestonim. Mirëpo, në momentin që u larguam, presioni i bërë nga lojtarët dhe stafi i Teutës bëri që të ndryshohej vendimi. Kjo ishte absurde dhe nuk më kishte ndodhur ndonjëherë në gjithë këto vite që luaj futboll”, ka thënë ndër të tjera mesfushori për azetën "Panorama Sport".
Lexo gjithashtu
