Kalimi i Romelu Lukakut te Chelsea do bënte që te Interi të afrojnë Duvan Zapatën e Atalantës. Rreth një transferimi të mundshëm të sulmuesit të skuadrës bergamaske ka folur agjenti i kolumbianit, Fernando Schena. Në një intervistë të dhënë për Fc Inter 1908, Schena thotë se për momentin nuk ka asgjë konkrete, por nëse do i jepej mundësia klientit të tij të zëvëndësonte Lukakun, do ishte fantastike.
“Unë nuk kam pasur asnjë diskutim me Atalantën. Natyrisht nëse Interi na bën një propozim, ne do ta vlerësojmë atë së bashku me Duvanin. Por tani ai është i fokusuar për përgatitjet me Atalantën. Të jesh pasuesi i Lukakut? Do të ishte fantastike” – tha ai.
