Shkodranët edhe pse kanë disa alternativa në sulm, sërish duan një lojtar që të shënojë dhe të tërheqë ekipin në ofensivë. Aktualisht kanë firmosur për këtë rol Rubin Hebaj dhe Brunild Pepa, por trajnerin Cungu do ta kënaqte fakti që të kishte dhe një tjetër futbollist me potencial në grup.
Këtë herë po zhvillohen bisedime me Sebino Plakun. Sulmuesi i Skënderbeut mësohet se ka pasur takim me drejtuesit kuqeblu, ndërsa po diskutohen detajet e kontratës. Ndërsa në Shkodër janë të vendosur që të presin sulmuesin, i cili ende nuk e ka përcaktuar të ardhmen e tij.