Vllaznia e sezonit të ri është pranë plotësimit. Afrimet e fundit kanë mbushur boshllëqet në ekip dhe tashmë kanë mbetur vetëm dy dëshira të trajnerit Cungu për t'u plotësuar, një mesfushor organizator dhe një sulmues.
Për mesfushën kanë qarkulluar emrat e Nijaz Lenës dhe Nderim Nexhipit. Të dy janë lojtarë që njihen mirë në tregun shqiptar dhe njëri prej tyre do ta zgjidhte hallin e trajnerit për këtë pozicion. Por nuk përjashtohet mundësia që të afrohen të dy, në rast se klubi bën ndonjë sforco financiare.
Ndërsa për sulmin alternativat janë më të pakta. Drejtuesit nuk duan të afrojnë të huaj për provë pasi në të shumtën e rasteve çdo prurje është dështim. Ata kanë hedhur sytë nga tregu shqiptar në të cilin i njohin cilësitë e futbollistëve. Emri i vetëm në qarkullim për momentin është ai i sulmuesit të Skënderbeut, Sebino Plaku, i cili nuk ka shumë hapësira në Korçë dhe mund të dëshironte një lëvizje diku tjetër. Edhe Tirana interesohet për Plakun.
Lexo gjithashtu
