Video/ Zbulimi fantastik, gazetarët e Supersport në garë mes tyre 22 vite më parë

Një kronikë e publikuar pak ditë më parë në “Supersport” ka zbuluar disa pamje shumë të veçanta. 22 vite më parë, gazetarët që sot komentojnë dhe analizojnë futbollin shqiptar dhe atë të huaj, kanë garuar mes tyre në një emision me quize sportive në Televizionin Publik Shqiptar. Ylli Aga, Blendi Resnja dhe Gjergji Stefa kanë provuar njohuritë e tyre në emisionin që drejtohej nga Kastriot Çaushi dhe Rudina Magjistari. Kaçi sot si për ironi të fatit është pjesë e paneleve sportive në Supersport për të kompletuar katërshen e dy dekadave më parë që shpesh herë i rikujtojnë njëri-tjetrin garën e zhvilluar atëherë dhe pasionin e hershëm që i bëri të jenë sot gazetarë të njohur sportiv në Shqipëri.