Real Madrid është rikthyer te fitoret. Pas barazimit javën e kaluar dhe eleminimi nga Kupa, “Los Blancos”, kanë fituar me poker ndaj Alaves në transfertë. Ndeshja u mbyll me rezultatin 1-4 duke marrë kështu një 3 pikësh të rëndësishëm në garën për titull.
Siparin e golave e hapi Casemiro në minutën e 15-të, ndërsa Benzema dhe Hazard vulosën pjesën e parë. Në fraksionin e dytë, Alaves rihapi për pak minuta ndeshjen me golin e Joselu, por Benzema shënoi golin e dytë personal dhe të 4-të për Realin. Me këtë fitore, madrilenët renditen në vendin e 2-të me 40 pikë pas 19 javësh të luajtura.