Edon Hasani është një prej mesfushorëve më të spikatur në futbollin shqiptar vitet e fundit. 30- vjeçari ka luajtur për disa nga klubet më të dëgjuara në Shqipëri, si Vllaznia, Kukësi dhe Tirana. Së fundmi ai po luan për llogari të Kastriotit. Mesfushori shkodran dhe pse erdhi nga dëmtimi, arriti këtë sezon me 25 paraqitjet e tij të shënojë 3 gola dhe japë 4 asistë në Abissnet Superiore.
Në rrjetin social Instagram, Hasani ka postuar 4 prej golave të shënuar në karrierë. Secili prej tyre është mjaft i bukur dhe për këtë mesfushori u ka kërkuar ndjekësve të tij të zgjedhin njërin prej tyre. Goli i parë është i shënuar ndaj Laçit në “Qemal Stafa”. Dhe i dyti po ashtu ndaj Laçit, kësaj here i veshur me fanelën e Tiranës në stadiumin e veriorëve.
Goli i tretë është në “Selman Stërmasi”, ndaj Flamurtarit pak minuta para fundit të sfidës. Ndërsa i fundit vjen nga ky sezon përballë Vllaznisë në "Loro Boriçi", me fanelën e Kastriotit veshur. Në postim bie në sy komenti i shokut të tij të skuadrës Adolf Selmani, që mesa duket i kanë pëlqyer shumë rrjetat e Hasanit. Tashmë mbetet për t’u parë ku do e shohim të ardhmen e 30- vjeçarit.
Lexo gjithashtu
