Pjesa e parë mes Flamurtarit dhe Partizanit ka përfunduar me rezultatin 0-1 në favor të të kuqve. Goli i Ekuban i shënuar në minutën e 33-të, e ka çuar skuadrën e Partizanit në dhomat e zhveshjes në avantazh të një goli. Ndërkohë duhet thënë që ky fraksion loje ka qenë i dyluftuar nga të dy ekipet.
Për të kuqtë kjo pjesë e parë është mbyllur me një problem të madh, pasi Lorenc Trashi është detyruar të largohet në dhomat e zhveshjes me barrelë. Mesfushori i të kuqve pësoi një dëmtim në gju, por ende nuk dihet shkalla e dëmtimit të tij dhe nëse do të jetë ose jo i gatshëm për dy javët e ardhshme.
