Mike Tyson u shfaq disa javë më parë në një karrige me rrota. Fotoja ishte befasuese, por pak më vonë ish kampioni absolut i boksit shpjegoi se vuante nga nervi shiatik. Së fundmi, Tyson ka bërë “lëvizjen” e radhës duke postuar një video duke u stërvitur në ring.
Ai shfaqet duke u stërvitur me trajnerin Rafael Cordeiro. Edhe pse i tërhequr nga boksi prej vitit 2005, mënyra se si lëviz në ring është mbresëlënëse. 56-vjeçari ka treguar se problemet në shpinë e kanë detyruar të tërhiqet nga boksi profesionist.
“Ne të gjithë do të vdesim një ditë, sigurisht. Pastaj, kur shoh pasqyrën, dalloj ato pika të vogla në fytyrën time, them: “Uau. Kjo do të thotë se data ime e skadencës po afrohet, shumë shpejt”, u shpreh legjenda e boksit botëror, Mike Tyson.
Lexo gjithashtu
