Armando Vajushi i ka dhënë tri pikë Petrolul në Rumani. Sulmuesi shkodran ka tundur rrjetën në të 79 minutë, duke vulos sfidën në transfertë me CSM Resita. Ndeshja vlente për ligën e dytë rumune dhe konkretisht për zonën play-out.
Ish-anësori i Kombëtares shqiptare ka realizuar nga afro 25 metra larg, me gjuajtjen që nuk është ndalur nga portieri i vendasve. Për Vajushin ky është goli i dytë në pak javë, teksa rikthehet vendimtar me të tijtë.
Pas një topi të marrë në mesfushë dhe aksioni të bukur, Vajushi merr një pasim dhe duke mos u menduar dy herë godet nga jashtë zone për të çuar shifrat në 0-1, gol që në fund të ndeshjes ishte vendimtar.
Loading ...
