Burreli do të luajë në sezonin e ri në Kategorinë e Parë, ndërsa drejtuesit po punojnë në merkato për të pasuruar organikën me elementë cilësorë. Ekipi matian pritet të jetë rival i denjë në edicionin e ardhshëm, pse jo për të synuar Superioren.
E pikërisht për këtë, drejtuesit kanë menduar t’i bëjnë një dhuratë lojtarëve dhe stafit teknik. Aneksi i stadiumit të Burrelit është rikonstruktuar duke u vendosur dhe tapeti i ri. Ky impiant do të shërbejë për skuadrën matiane, ku do të ketë mundësi të zhvillojë çdo ditë seancat stërvitore.
