Juventus-Lazio 3-1
Juventusi ka arritur të marrë një fitore të rëndësishme 3-1 ndaj Lazios në Torino. Një ndeshje emocionuese dhe me 4 gola, por në fund ishin bardhezinjtë që dolën me 3 pikë. Fillimisht ishte Lazio që gjeti golin e parë me Correan, ndërsa në fund të pjesës së parë, Rabiot barazoi ndeshjen. Në fraksionin e dytë, Alvaro Morata shënon dy gola për 3 minuta. Spanjolli shfrytëzon mirë asistin e Chiesa dhe me një gjuajte të fortë mposht Reinan.
3 minuta më vonë, Morata shënon edhe nga penalltia duke hipotekuar fitoren 3-1 për Juventusin. Me këtë fitore, bardhezinjtë shkojnë në kuotën e 52 pikëve, një pikë më pak se Milani dhe më një ndeshje më pak për të luajtur, ndërsa edhe Milani do të luajë nesër. Tashmë e gjithë vëmendja e Juventusit do të fokusohet te sfida e kthimit në Champions ndaj Portos pasi bardhezinjtë do të tentojnë të përmbysin humbjen 2-1 që morën në ndeshjen e parë.
Loading ...
