Ansi Agolli ka shkruar emrin e tij me gërma të arta në historinë e futbollit shqiptar teksa ishte pjesë e skuadrës që hyri për herë të parë në grupet e një Europiani. Për opinionin e gjerë, është mbrojtësi i majtë më i mirë i të gjitha kohërave që ka prodhuar ndonjëherë futbolli ynë. Si me Tiranën, ashtu edhe me Shqipërinë ka shkëlqyer duke qenë ndër më të mirët për të dy skuadrat. Ish-mbrojtësi tani vazhdon jetën në SHBA ku përsëri nuk i është ndarë futbollit. Ai ka një akademi futbolli në Michigan të quajtur, AB7 Soccer Academy, që e ka krijuar së bashku me ish-futbollistin Bledi Bardic. Në faqen zyrtare në rrjete sociale, akademia ka kujtuar një moment gjatë ndeshjes Portugali – Shqipëri ku Agolli kalonte topin poshtë këmbëve të Cristiano Ronaldos duke shkruar: “Nuk ndodh çdo ditë që trajneri ytë të kalojë topin poshtë këmbëve të Ronaldos.” Ajo ndeshje përfundoi në barazim 0-0 dhe ishte e vlefshme për kualifikueset e Botërorit 2010.

 

View this post on Instagram

 

A post shared by AB7SoccerAcademy (@ab7socceracademy)