Roma ka fituar 1-0 me Feyenoord në finalen e Conference League të zhvilluar në Tiranë. Dueli u vendos nga goli i Zaniolo në të 31 minutë, teksa në fund festa i takon italianëve. Pikërisht heroi i këtij takimi, sulmuesi Zaniolo ka folur pas ndeshjes.
“Jam shumë i lumtur, është një emocion i madh. Ishte ëndrra ime që kur isha fëmijë dhe e realizova. Tifozët janë fantastikë, të pabesueshëm edhe sonte, kjo fitore është për ta. Ne jemi një ekip i fortë, madje e dimë sa, tani e shijojmë këtë fitore. Dedikimi? Nënës time, babait tim, motrës sime, gjithë familjes sime që më kanë qenë gjithmonë pranë”, tha Zaniolo.