Vendim drastik në kombëtaren belge

Federate Belge e Futbollit ka vendosur të shkarkojë nga puna trajnerin e kombëtares, Mark Vilmots.

Pas eleminimit nga EURO 2016 në çerekfinale me një humbjë të turpshme ndaj Uellsit, trajneri nuk pranoi të jepte dorëheqjen pasi kishte nevojë për kohë që të sqaronte situatën në kokën e tij, por mesa duket Federata nuk priti më dhe komunikoi vendimin e shkarkimit për Vilmots.

Vilmots e mori drejtimin e ekipit në 2012 dhe kishte kontratë deri në 2018, po edhe pse në fushatat kualifikuese kishte bërë një punë të mirë, mosarritja e rezultateve në fazat finale të kompëticioneve madhore bëri që Aventura e tij të mbyllej.

Belgjika renditet e dyta në FIFA dhe është një ekip plot me yje i konsideruar favorit për EURO 2016, por rrugëtimi i tyre ishte shumë larg pritshmërive.